Қазан қаласында аялдама шатыры опырылып, 9 адам жараланды
АСТАНА. ҚазАқпарат - Татарстан астанасы Қазан қаласында қоғамдық көлік аялдамасы ғимаратының шатыры құлап, тоғыз адам зардап шекті, деп жазады жергілікті ақпарат құралдары.
Аймақтық ТЖМ ақпаратына сүйенсек, жапа шеккендердің барлығы қаланың бірнеше ауруханасына жеткізілді.
Құлаған шатыр аумағы - 800 шаршы метр. Жергілікті БАҚ-тың хабарлауынша, ASG компаниялар тобының штаб-пәтері ғимаратының да шатыры қирады.
