Қазгидромет: 1 қазан күнгі ауа райы болжамы
НҰР-СҰЛТАН. ҚазАқпарат – 1 қазан күні ел аумағының басым бөлігінде күн ашық, тек оңтүстікте және оңтүстік шығыста атмосфералық ағындардың өтуіне байланысты жаңбыр жауады, деп хабарлайды ҚазАқпарат «Қазгидромет» РМК баспасөз қызметіне сілтеме жасап.
Сонымен қатар республиканың кей жерлерінде тұман, желдің күшеюі, оңтүстікте шаңды дауыл күтіледі.
Күндіз Түркістан, Қызылорда облыстарының кей жерлерінде желдің жылдамдығы 15-20 м/с дейін жетеді, Қызылорда облысында шаңды дауыл соғуы ықтимал.
Қостанай, түнде және таңертең Ақмола, Солтүстік Қазақстан, Павлодар, Шығыс Қазақстан облыстарының кей жерлерінде тұман түседі. Жамбыл облысының кей жерлерінде тұман, 15-20 м/с дейін желдің күшеюі ықтимал.
Жамбыл, Алматы облыстарының кей жерлерінде түнде және таңертең 1-4 градус үсік күтіледі.
Қызылорда, Түркістан, Жамбыл облыстарының басым бөлігінде, Қарағанды, Ақтөбе облыстарының кей жерлерінде төтенше өрт қаупі сақталады.
