Қазгидромет: 2 қазанда республика аумағының басым бөлігінде жауын-шашын болады
АСТАНА. 1 қазан. ҚазАқпарат - 2 қазанда Қазақстан аумағының басым бөлігінде атмосфералық ағындардың өтуіне байланысты жауын-шашын болады, жел күшейеді деп күтілуде. Тек республиканың оңтүстігінде, оңтүстік-шығысында және орталығында ауа райы жауын-шашынсыз болуы ықтимал. Бұл туралы «Қазгидрометке» сілтеме жасап, ҚР ТЖМ баспасөз қызметінен хабарлады.
Маңғыстау, Батыс Қазақстан, Ақмола, Павлодар, Шығыс Қазақстан, Жамбыл облыстарында, күндіз Атырау, Ақтөбе, Қостанай, Солтүстік Қазақстан облыстарында кей жерлерде жел 15-20 м/с-қа күшейеді деп күтілуде, Ақмола, Қостанай, Солтүстік Қазақстан, Атырау облыстарында түнде және таңертең тұман түседі.
Республиканың оңтүстігінде, оңтүстік-шығысында, шығысында және орталығында жоғары өрт қаупі сақталады.
Жақын тәуліктерде республиканың оңтүстігі, оңтүстік-шығысы және шығысының таулы өзендерінде су деңгейінің тұрақсыздығы байқалады.
