Қазгидромет: 7 сәуірге арналған ауа райы болжамы
АСТАНА. ҚазАқпарат - Қазақстанда атмосфералық ағындардың өтуімен кей жерлерде ауа райының тұрақсыз сипаты күтіледі, республика солтүстігінің басым бөлігінде жауын-шашынды болып, жел күшейеді, кей жерлерде тұман түсіп, көктайғақ болады. Республиканың батысында ғана күн ашық болады.
Бұл туралы ҚР ТЖМ баспасөз қызметі «Қазгидрометке» сілтеме жасап хабарлады.
Ақмола. Қостанай, Қарағанды облыстарында желдің 15-20 м/с-қа дейін күшеюі, 23-28 м/с-қа дейін ұйтқуы күтіледі, кей жерлерде көктайғақ болады. Павлодар облысында желдің екпіні 18-23 м/с-қа, екпіні - 27 м/с-қа жетеді. Қызылорда, Атырау, Батыс Қазақстан, Шығыс Қазақстан облыстарында кей жерлерде жел 15-20 м/с-қа дейін күшейеді. Алматы, Маңғыстау облыстарында кей жерлерде тұман түседі, күндіз жел 15-20 м/с-қа дейін күшейеді. Ақтөбе, Солтүстік Қазақстан облыстарында кей жерлерде тұман түседі, көктайғақ болады, желдің күші - 15-20 м/с. Солтүстік Қазақстан облысында желдің ұйтқуы 25 м/с-қа жетеді. Жамбыл, Оңтүстік Қазақстан облыстарында кей жерлерде тұман түседі, жел 15-20 м/с-қа дейін күшейіп, ұйтқуы 23 м/с-қа жетеді, Жамбыл облысы бойынша желдің ұйтқуы 28 м/с-қа дейін күшейеді.
Бұдан бұрын хабарланғандай, 7-9 сәуір аралығында Ақмола облысы мен Астана қаласында оңтүстік-батыстан соққан желдің күші 15-20 м/с-қа дейін жетіп, Ақмола облысында оның ұйтқуы 23-28 м/с-қа дейін күшейетіні жөнінде ескерту жасалған болатын.
