Қазгидромет алдағы үш тәулікке ауа райы болжамын жариялады
АСТАНА. ҚазАқпарат - Синоптиктер алдағы үш күндегі ауа райына болжам жасады, деп хабарлады «Қазгидромет» РМК.
Батыс облыстарда ауа райы бұлтты болып, алдағы тәуліктерде найзағай ойнап, жауын-шашын түседі, екпінді жел соғады. Циклонның шығысқа ығысуына орай республиканың басым бөлігінде осындай құбылыстар орын алады.
Қазақстанның шығысы мен оңтүстік-шығысында алдағы үш тәулікте ауа райы жауын-шашынсыз болады деп күтіледі. Оңтүстік-шығыста күндіз ауа райы +23-30 градус жылынса, республика шығысында +20-25 градус болады.
Астана қаласы бойынша ауа райы болжамы
25 сәуір: ашық, жауын-шашынсыз. Жел - оңтүстік-шығыстан, оңтүстіктен 5-10 м/с. Түнде температура +5+7°С, күндіз +22+24°С болады.
26 сәуір: көшпелі бұлт шығады, жауын-шашынсыз. Оңтүстіктен, оңтүстік-батыстан 9-14 м/с жылдамдықпен жел соғады. Түнде температура +9+11°С, күндіз +23+25°С.
27 сәуір: көшпелі бұлт шығады, таңертең және күндіз жауын жауады. Батыстан, солтүстік-батыстан 9-14 м/с жылдамдықпен жел соғады. Түнде температура +9+11°С, күндіз +18+20°С.
Алматы қаласы бойынша ауа райы болжамы
25 сәуір: көшпелі бұл шығады, жауын-шашынсыз. Жел 0-5 м/с. Температура түнде +10+12°С, күндіз +23+25°С.
26 сәуір: көшпелі бұл шығады, жауын-шашынсыз. Жел 0-5 м/с. Температура түнде +11+13°С, күндіз +27+29°С.
27 сәуір: көшпелі бұл шығады, жауын-шашынсыз. Жел 0-5 м/с. Температура түнде +11+13°С, күндіз +28+30°С.
