Қазгидромет еліміздің бірқатар өңірлерінде дауылды ескерту жариялады

АСТАНА. ҚазАқпарат - «Қазгидромет» РМК еліміздің бірқатар өңірлерінде дауылды ескерту жариялады.

«18 қазанда күндіз Оңтүстік Қазақстан облысында, 18 қазанда күндіз және 19 қазанда түнде Жамбыл, Алматы облыстарында жауын-шашын,  кей жерлерде күшті жауын-шашын күтілуде. Кей жерлерде көктайғақ, солтүстік-батыстан, батыстан секундына 15-20 метр ескен желдің екпіні 23 метрге дейін жетеді.

Ал 19-20 қазанда түнде Қызылорда, Оңтүстік Қазақстан, Жамбыл, Алматы облыстарында ауа температурасы -1-6 ⁰ С-ге дейін, кей жерлерде - 9⁰ С-ге дейін төмендейді», - деп жазылған хабарламада.