Қазгидромет: Мамырдың 1-і күнгі күн райы болжамы
НҰР-СҰЛТАН. ҚазАқпарат – «Қазгидромет» РМК-сы мамырдың 1-і күнгі күн райы болжамын жариялады, деп хабарлайды ҚазАқпарат.
Кәсіпорын таратқан деректерге қарағанда, республика аумағының басым бөлігінде атмосфералық фронталды бөліктердің өтуіне байланысты күн тұрақсыз болады, найзағай ойнап, дауыл тұрады, жаңбыр жауады.
Республиканың шығысында, оңтүстігінде ғана күн жауын-шашынсыз болады. ҚР бойынша жел күшейеді.
Түнде Алматы облысының таулы аудандарында найзағай ойнап, оңтүстікте және Алакөл көлдерінің ауданында желдің күші секундына 15-20 метрге жетіп, екпіні 24-29 метр болады.
Шығыс Қазақстан облысының орталығында, шығысында, оңтүстігінде 15-20, екпіні 23 м/с жел соғады.
Күндіз Павлодар облысының оңтүстік-батысында найзағай ойнап, жел 15-20 м/с-ке дейін күшейеді.
Күндіз Қарағанды облысының солтүстігінде, шығысында найзағай ойнайды, жел 15-20 м/с-қа дейін күшейеді.
Күндіз Жамбыл облысының оңтүстік-батысында, солтүстігінде және таулы аудандарында жел 15-20 м/с-қа дейін күшейеді.
Күндіз Ақтөбе облысының оңтүстігінде найзағай, облыстың оңтүстік-батысында 15-20 м/с жылдамдықпен жел соғады.
Күндіз Ақмола облысының солтүстік-батысында, шығысында күн күркірейді, солтүстігінде, шығысында желдің жылдамдығы 15-20 м/с-қа жетеді.
Күндіз Маңғыстау облысының солтүстік-шығысында найзағай ойнайды, желдің жылдамдығы секундына 15-20 метрге жетеді.
Қостанай облысының батысы мен солтүстігінде найзағай ойнап, жел 15-20 м/с жылдамдықпен соғады.
Солтүстік Қазақстан облысының батысы мен шығысында жел 15-20 м/с жылдамдықпен ұйтқиды.
Атырау облысының шығысында, оңтүстігінде жел 15-20 м/с жылдамдықпен соғады, күндіз Батыс Қазақстан облысының оңтүстігінде, шығысында желдің жылдамдығы 15-20 м/с-ке дейін күшейеді.
Батыс Қазақстан облысының оңтүстігінде, Ақтөбе облысының солтүстігінде, орталығында, Павлодар облысының орталығында төтенше өрт қаупі сақталады.
