Қазгидромет мамырдың 27-сі күнгі күн райы болжамын жариялады
НҰР-СҰЛТАН. ҚазАқпарат – «Қазгидромет» РМК-сы мамырдың 27-сі күнгі күн райы болжамын жариялады, деп хабарлайды ҚазАқпарат.
Қазақстан аумағынан фронталды бөліктердің өтуіне байланысты күн райы құбылмалы болады, жаңбыр жауып, таулы аймақтарда нөсерлетеді, найзағай ойнап, жел күшейеді, бұршақ жаууы ықтимал. Еліміздің оңтүстігінде – шаңды дауыл тұрады.
Жамбыл облысының оңтүстігінде, батысында, таулы аймақтарында найзағай ойнап, бұршақ жауып, көктайғақ болады, оңтүстік-батыста, солтүстік-шығыста, таулы аймақтарда желдің жылдамдығы секундына 15-20 метрге, екпіні 23-28 метрге жетеді.
Түркістан облысының солтүстігінде, батысында – шаңды дауыл тұрып, солтүстікте, батыста және таулы аудандарда – желдің жылдамдығы секундына 15-25 метрге дейін жетеді. Оңтүстікте, солтүстікте, батыста, облыстың таулы және тау бөктеріндегі аудандарында найзағай ойнап, бұршақ жауады, дауыл тұрады.
Қызылорда облысының орталығында, шығысында жел секундына 15-20 метрге дейін күшейеді, күндіз облыс орталығында шаңды дауыл соғады.
Солтүстік Қазақстан облысында желдің жылдамдығы секундына 15-20 метрге жетеді. Солтүстікте, батыста, облыстың шығысында екпіні желдің 23-28 м/с болып, найзағай ойнап, бұршақ жауып, дауыл тұрады.
Қостанай облысында 15-20 м/с жылдамдықпен жел соғады, облыстың солтүстігінде, шығысында найзағай ойнайды.
Маңғыстау облысының солтүстік-шығысында түнде – найзағай ойнайды, күндіз жел 15-20 м/с жылдамдықпен соғады.
Атырау облысының солтүстігінде найзағай ойнайды.
Батыс Қазақстан облысының солтүстігінде, батысында найзағай ойнап, бұршақ жауады, дауыл тұрып, жел 15-20 м/с жылдамдықпен еседі.
Күндіз Алматы облысының таулы аймақтарында, Шығыс Қазақстан облысының шығысында, түнде Ақмола облысының батысында, солтүстігінде, оңтүстігінде найзағай ойнап, жел 15-20 м/с жылдамдықпен соғады.
Күндіз Қарағанды облысының орталығында, оңтүстігінде найзағай ойнайды, облыстың оңтүстігі мен шығысында жылдамдығы 15-20 м/с жел соғады.
Павлодар облысының оңтүстігінде, шығысында күндіз найзағай ойнайды, таңертең және күндіз облыстың солтүстік-батысында желдің жылдамдығы секундына 15-20 метрге дейін күшейеді.
Күндіз Алматы, Павлодар облысының басым бөлігінде, Қарағанды облысының оңтүстік-шығысында аптап ыстық болады.
Шығыс Қазақстанның облысының Жарма ауданында, Қызылорда, Павлодар облыстарының орталығында төтенше өрт қаупі сақталады.
