Қазгидромет: Наурыздың 21-і күнгі күн райы болжамы
НҰР-СҰЛТАН. ҚазАқпарат – «Қазгидромет» РМК-сы наурыздың 21-і күнгі күн райы болжамын жариялады, деп хабарлайды ҚазАқпарат.
Кәсіпорын таратқан деректерге қарағанда, 21 наурызда циклон жырасының және атмосфералық ағындардың әсерінен Қазақстанның басым бөлігінде жауын жауып, жел күшейеді. Қазақстан бойынша тұман түсіп, еліміздің оңтүстік-шығысында, батысында көктайғақ, солтүстігінде, солтүстік-батысында, шығысында жаяу бұрқасын соғады.
Ақмола облысында желдің жылдамдығы секундына 15-20 метрге жетеді. Облыстың солтүстігінде, шығысында желдің екпіні секундына 23-28 метр болады. Түнде елдің солтүстік-батысында, күндіз басым бөлігінде бұрқасын болады.
Қостанай облысында жел секундына 15-20 метр жылдамдықпен соғады, күндіз облыстың оңтүстігінде желдің жылдадығы секундына 23-28 метрге жетеді. Облыстың солтүстігінде тұман түсіп, көктайғақ, түнде солтүстігінде, күндіз облыстың басым бөлігінде жаяу бұрқасын болады.
Солтүстік Қазақстан облысының солтүстігінде, батысында жаяу бұрқасын соғады. Облыстың басым бөлігінде желдің жылдамдығы 15-20 метрге жетеді, облыстың оңтүстігінде 23-28 м/с.
Павлодар облысының түнде солтүстігінде, батысында, күндіз басым бөлігінде жел 15-20 м/с-қа дейін күшейеді, күндіз батыста екпіні 25 м/с, солтүстігінде жаяу бұрқасын болады.
Түнде Шығыс Қазақстан облысының оңтүстік-батысында, оңтүстігінде тұман түседі, солтүстік-батысында, батысында, орталығында жел 15-20 м/с жылдамдықпен соғады, күндіз екпіні 25 м/с болады.
Ақтөбе облысының түнде солтүстігінде, күндіз басым бөлігінде желдің жылдамдығы 15-20 м/с-ке жетеді, екпіні 23 м/с болаып, жаяу бұрқасын соғады, күндіз облыстың солтүстігінде көктайғақ болады.
Жамбыл облысының түнде тауларында, күндіз басым бөлігінде тұман, көктайғақ, таңертең және күндіз оңтүстік-батысында желдің жылдамдығы скундына 15-20мертге дейін күшейеді, екпіні 23 м/с болады.
Алматы облысының оңтүстігінде және таулы аудандарында – тұман түсіп, шығысында жел секундына 17-22 метр жылдамдықпен еседі.
Түркістан облысының солтүстігінде, таулы аудандарында – тұман түсіп, таңертең және күндіз облыстың таулы аудандарында жел 15-20 м/с жылдамдықпен соғады.
Қызылорда облысының солтүстігінде тұман түсіп, күндіз солтүстігінде, орталығында жел 15-20 м/с дейін күшейеді.
Батыс Қазақстан облысының солтүстігінде тұман түсіп, солтүстік-шығыста жел 15-20 м/с-қа дейін күшейеді.
Қарағанды облысының солтүстігінде, батысында, күндіз Атырау облысының шығысында, Маңғыстау облысының солтүстігінде жел 15-20 м/с-қа дейін күшейеді.
