Қазгидромет: Сенбі күні Қазақстанның басым бөлігінде күн ашық болады
АСТАНА. ҚазАқпарат - Сенбі күні еліміздің басым бөлігінде күн ашық болады. Тек елдің солтүстік-батысы мен солтүстігінде ғана күн жауын-шашынды болады, деп хабарлайды ҚазАқпарат «Қазгидромет» РМК-на сілтеме жасап.
«Қазгидромет» мәліметтеріне қарағанда, сенбі күні республиканың бірқатар аймақтарында жел күшейіп, таң ата және түнде тұман түсуі ықтимал.
Солтүстік Қазақстан облысының басым бөлігінде жел күшейіп, жылдамдығы секундына 15-20 метрге жетеді. Екпіні 23-28 метр болады. Түнде және таң ата тұман түсуі мүмкін.
Ақмола облысының кей жерлерінде желдің жылдамдығы секундына 15-20 метрге жетеді.
Павлодар, Маңғыстау облыстарында жел күшейіп, жылдамдығы секундына 15-20 метр болады. Түнде және таң ата тұман түсуі мүмкін.
Қостанай, күндіз Жамбыл облысының бірқатар аумақтарында жел секундына 15-20 метрге дейін күшейеді. Түнде және таң ата Шығыс Қазақстан, Қызылорда облыстарында тұман түсіп, Шығыс Қазақстан облысында жел секунына 15-20 метр жылдамдықпен ұйтқиды.
Түркістан облысы мен Жамбыл, Қызылорда, Атырау, Ақтөбе, Қарағанды және Алматы облыстарының кей жерлерінде өрт қаупі сақталады.
