Қазмедиа орталығының медиамектебінде «Жаңалықтар командасы» семинары өтеді
АСТАНА. 5 қыркүйек. ҚазАқпарат - Қазмедиа орталығын» басқарушы компаниясы» ЖШС медиамектебінде 9-11 қыркүйек аралығында жаңа оқу жылының ашылуына орай,«Жаңалықтар командасы» атты семинары өтеді, деп хабарлады басқарушы компанияның баспасөз қызметі.
Семинарға шығарушы редакторлар, репортерлер, ұлттық телеарналардағы ақпарат қызметінің продюсерлері, сондай-ақ олардың жергілікті өкілдері шақырылды.
Курсты «BBC World Trust» және АНО «Internews» халықаралық сертификатталған медиажаттықтырушысы, журналисттер арасында өткен түрлі кәсіби байқаулардың лауреаты және дипломанты Денис Вишня өткізеді.
Семинардың негізгі тақырыптары: «ТВ-да жаңалықтарды қалай жасау керек», «Ақпарат оқиғаларын іздеу және ақпарат көздерімен жұмыс жасау», «Сұхбат алудың тиімді тәсілдері».
«Медиа мектеп» масс-медиа саласындағы мамандарды дайындауда әр түрлі курстар, арнайы семинарлар жүргізумен айналысады. Бұл - қазіргі заманға сай білім беру орталығы, «Қазмедиа орталығының» технологиялық мүмкіндіктерін ескере отырып, мұнда теория озық тәжірибеге астасады. Медиа мектептің басты міндеті - үздік технологиялар мен әлемдік алдыңғы қатарлы мамандар тәжірибесі негізінде жергілікті БАҚ өкілдерінің, БАҚ қызметкерлерінің білім алу мен қайта даярлау жүйесін ұйымдастыру.
