ҚазМұнайГаз «Ақтаунефтесервис» ЖШС-мен оның жарғылық капиталының 100 пайыз қатысу үлесін сатып алу жөнінде мәміле жасады
АСТАНА. 13 маусым. ҚазАқпарат - Алматы қаласында «ҚазМұнайГаз» Ұлттық компаниясы» акционерлік қоғамы «Ақтаунефтесервис» жауапкершілігі шектеулі серіктестігінің жарғылық капиталының 100 пайыз қатысу үлесін сатып алу жөнінде мәміле жасады.
Бұл туралы ұлттық компанияның баспасөз қызметінен хабарлады.
«Ақтаунефтесервис» ЖШС «Маңғыстаумұнайгаз» акционерлік қоғамдастығының аясында мұнай-сервистік қызметтер көрсетумен айналысады. Оны сатып алушы - Cooperative KMG PKI UA компаниясы (ҚМГ ұлттық компаниясының 100 пайыз еншілес ұйымы) «Маңғыстаумұнайгаз» АҚ-ның 50 пайызына иелік етеді. «Ақтаунефтесервисті» сатып алу бағасы 334 миллион АҚШ долларын құрады.
Жобаны жүзеге асыру «Ақтаунефтесервистің» қызмет көрсету сапасын арттыруға мүмкіндік жасайды, дейді сарапшылар.
