«ҚазМұнайГаз» ұлттық компаниясы мен Central Asia Petroleum Ltd «Маңғыстаумұнайгаз» АҚ акцияларын сатып алу жөнінде шартқа қол қойды

АСТАНА. Қаңтардың 12-сі. ҚазАқпарат – Бүгін Астанада «ҚазМұнайГаз» ұлттық компаниясы» АҚ мен Central Asia Petroleum Ltd «ҚазМұнайгаздың» «Маңғыстаумұнайгаз» АҚ-ның 50 пайыз және 2 дауыс беру акциясын сатып алуы жөнінде шартқа қол қойды.

Бұл туралы ҚазАқпарат «ҚазМұнайГаз» ақпараттық саясат департаментіне сілтеме жасап хабарлайды. Мәмілені 2009 жылдың наурыздың соңына дейін ҚР Бәсекелестікті қорғау агенттігінен және Еуропалық комиссиядан тиісті мақұлдау алынғаннан және бұдан бұрын қол жеткізілген уағдаластықтар орындағаннан кейін аяқтау жоспарланып отыр.