«Қазмырыш» металлургиялық кешенінде мұнараны қарау кезінде американдық компанияның қызметкері қаза тапты
АСТАНА. Қазанның 6-сы. ҚазАқпарат - «Қазмырыш» металлургиялық кешенінде абсорбциялық мұнараны қарау кезінде биіктен құлап кетіп,
американдық компанияның қызметкері қаза тапты, деп хабарлады сейсенбі күні Төтенше жағдайлар министрлігі.
«Қазанның 5-де сағат 16.00-де абсорбциялық мұнараны соңғы рет қарап шығу кезінде 15 метрлік биіктіктен супервайзер құлап кетті», делінген ведомствоның ресми мәлімдемесінде.
«SNS Lavain» компаниясының супервайзері - 52 астағы американдық азамат оқиға орнында көз жұмды.
