«Қазпошта» Жеңістің 70 жылдығына арналған маркаларды қолданысқа енгізді ш
АСТАНА. ҚазАқпарат - «Қазпошта» АҚ Жеңістің 70 жылдығына арналған үш маркадан тұратын пошталық блоктың қолданысқа енгенін хабарлады. «Естелік және мерейтойлық даталар» сериясындағы әрбір марканың құны 200 тенге.
Маркаларда Рақымжан Қошқарбаев (Халық Қаһарманы), Мәншүк Мәметова (Кеңес Одағының Батыры), Иван Панфилов (Кеңес Одағының Батыры) бейнеленген.
«Маркаларды шығару - Ұлы Отан соғысына қатысқан Қазақстандық ардагерлердің ұмытылмас ерлігін естелік ретінде сақтауға қосқан үлесіміз. Пошта - соғыс кезінде де, қазіргі таңда да біздің сенімді серігіміз» - деді, «Казпочта» АҚ Директорлар Кеңесінің Төрағасы Елена Бахмутова.
Марқа офсеттік тәсілмен 4 түрлі бояумен орындалған, блок өлшемі 78 х 108 мм, маркалардың өлшемі 26 х 36 мм. Таралымы 15 мың дана. Дизайн жасаған суретші Қуат Ибрайшин.
Үш маркадан тұратын пошталық блогты іске қосудың салтанатты рәсімі 6 мамыр күні Астана қаласында, Қазақстан Республикасы Парламенті Мәжілісінің депутаттары: Айсина Майра Араповна, Ферхо Светлана Ивановна и Бердонгаров Танирберген Маратович, сондай-ақ Ұлы Отан соғыс ардагерлерінің қатысуымен өтті.
