Қазпошта жоғалған сәлемдемелерді арзан бағаға сатып жатқаны рас па
АСТАНА. KAZINFORM - Әлеуметтік желілерде Қазпошта жоғалған сәлемдемелерді төмен бағаға сатады деген жалған хабарламалар тарап жатыр.
Осы ақпаратқа қатысты Қазпошта АҚ мәлімдеме жасады.
- Бұл ақпарат шындыққа сәйкес келмейтінін хабарлаймыз. Мұндай ұсыныстарға сенбеңіздер және жеке деректеріңізді ешкімге айтпаңыз, - деп жазылған мәлімдемеде.
Айта кету керек, Қазпошта мекенжайы дұрыс көрсетілмеген сәлемдемені жіберушіге кері қайтарады.
- Егер осындай хабарламаларды көрсеңіз немесе күмәнді сілтемелермен бетпе-бет келсеңіз, дереу біздің ресми байланыс орталығымызға хабарласыңыз: 1499.
Сіздің қауіпсіздігіңіз біз үшін маңызды! - деп ескертті ұлттық компаниядан.
Бқған дейін ауылдық жерлердегі «Қазпошта» бөлімшелері мемлекеттік қызметтер көрсетуі мүмкін екенін жазғанбыз.
