«Қазселденқорғау» мамандары жол қар көшкінінің алдын алу жұмыстарын жүргізді
АСТАНА. ҚазАқпарат - 2017 жылдың 6 қаңтарында «Қазселденқорғау» ММ мамандары жол қауіпсіздігін қамтамасыз ету мақсатында, «Өскемен -Таулы Үлбі-Северное» автожолындағы 34+800м шақырымда қар көшкінінің алдын алу жұмысын жүргізді, деп хабарлайды мекеменің баспасөз қызметі.
Нәтижесінде 3100 текше метр қар түсті. Қар массасы автожолды жартылай жауып қалды. «Облшығысжол» КМК-ның 3 дана қар тазалағыш техникалары жұмыс істеді. Сағат 13:40-те жол жүру қамтамасыз етілді. Профилактикалық жарылыс кезінде ешкім зардап шеккен жоқ. Қазіргі уақытта аталған аймақтағы автожол қауіпсіз.
Жалпы жұмыстарға 22 адам және 8 техника бірлігі жұмылдырылды.
