ҚАЗТЕСТ сертификаты электронды форматқа ауыстырылды

АСТАНА. ҚазАқпарат - Енді ҚАЗТЕСТ тапсырушыларға сертификат certificate.testcenter.kz сайтында электронды форматта беріледі, деп хабарлайды ҚазАқпарат.

Тесті тапсырып болғаннан кейін көрсетілген сайтта келесі қадамдарды орындау арқылы сертификатыңызды жүктей аласыз:

- тест түрін таңдау;

- тапсырған жылды көрсету;

- ЖСН және ТЖК енгізу.

ҚАЗТЕСТ электронды сертификатында алушының деректері, жинаған балы, жарамдылық мерзімі және QR-коды көрсетіледі.

Мерзімі өтпеген қағаз нұсқадағы сертификаттардың жарамдылығы сақталады.