«ҚазТрансОйл» 66 млн. 873 мың тонна мұнай мен мұнай өнімдерін тасымалдады
Ол 2010 жылы 65 млн. 825 мың тоннаны құраған болатын. Компанияның баспасөз қызметінің хабарлауынша, тауар айналымының шоғырландырылған көлемі есепті кезеңде 42 млрд. 243 млн. тонна шақырымды құрады. Бұл жоспардан 4 пайызға, ал 2010 жылғы деңгейден 2 пайызға жоғары.
Компанияның негізгі қызметінен тапқан табысы былтыр 140 млрд. 478 млн. теңге болды. Бұл жоспардан - 6, ал 2010 жылғы көрсеткіштен 2 пайызға жоғары. 2011 жылы жалпы және әкімшілік шығындар 6 млрд. 730 млн теңгені құрап, алдыңғы жылғы деңгейден 95 пайызға азайды. Ал таза кіріс 32 пайызға ұлғайып, 25 млрд. 975 млн теңге көлемінде болды.
Компанияның Бас директоры Қайыргелді Қабылдиннің айтуынша, олар өткен жылғы қызметінің қорытындысына қанағаттанып отыр. Қазір енді халықтық ІРО бағдарламасы бойынша белсенді жұмыс жүргізуде. Олар белгіленген мерзімде өз акциясын ұсынатына сенімді.