ҚазҰМУ-дың бұрынғы ректоры Айқан Ақанов дүниеден өтті
АЛМАТЫ. ҚазАқпарат - Алматыда 66 жасқа қараған шағында С.Ж.Асфендияров атындағы ҚазҰМУ-дың бұрынғы ректоры Айқан Ақанұлы Ақанов дүниеден өтті.
Айқан Ақанов 1951 жылы Семей облысында дүниеге келген. Алматы мемлекеттік медицина институтын, Алматы шет тілдері институтын бітірген. Ол Қазақ ұлттық медицина универститетін 2008-2015 жылдары басқарған. Медицина ғылымының докторы, профессор, ҚР Валеология академиясының академигі, Қазақстанның еңбек сіңірген қайраткері.
