ҚДБ 25 млрд. теңгеге талшықты-оптикалық байланыс желісін салу жобасын қаржыландырады
АСТАНА. ҚазАқпарат - «Қазақстан Даму банкі» АҚ («Бәйтерек» Ұлттық басқарушы холдингі» АҚ еншілес ұйымы) «Транстелеком» АҚ-ның аппараттық-бағдарламалық кешенінің теміржол бойында байланыс платформасын салу бойынша жобасын қаржыландыра бастады, деп хабарлайды банктің баспасөз қызметінен.
«ҚДБ ашқан жалпы көлемі 25 млрд. теңгелік несие желісі қазіргі байланыс желілерін айтарлықтай кеңейтуге, сондай-ақ мәліметтер тарату жылдамдығын арттыруға мүмкіндік береді. Бөлінген қаржы есебінен «Қазақстан Темір Жолы» ҰК» АҚ-ның қазіргі қажеттіліктерін ескере келе, 10 965 шақырым талшықты-оптикалық байланыс желісі салынып, жаңғыртылады (6 416 км салынады, 4 549 км жаңғыртылады)» делінген хабарламада.
Аталған жоба аясында теміржол көлігі нысандары мен барлық желілік бөлімшелерін қосып, автоматтандырудың және ақпараттандырудың күрделі және көлемді жүйелері енгізіледі.
