Кедендік бақылау комитеті аттестаттаудан өте алмаған қызметкерлермен «қош» айтыспақ

Бұл туралы бүгін елордада өткізілген брифинг барысында ҚР Қаржы министрлігі Кедендік бақылау комитеті төрағасының орынбасары Аманияз Ержанов мәлім етті.
Оның атап өтуінше, кезектен тыс аттестаттаудан өте алмаған кеден органдарының қызметкерлері жұмыстарынан босатылады. Бұл ретте комитет жұмыстан босаған мамандарын басқа қызметке орналасуына қол ұшын беретін болады әрі бұл бағыттағы жұмыстарды қолға алуда. Жалпы комитет қызметкерлерін аттестаттаудан өткізуді жыл соңына дейін аяқтауды жоспарлауда.
Аттестаттау барысында қызметкерлердің физикалық дайындығына да назар аударылатын болады.
«Егерде физикалық дайындық кезеңінен тіпті семіз қызметкерлер де өтетін болса, онда олар қызметін одан әрі жалғастырады. Ал егер олар өте алмай қалса - аттестатталмайды. Мұндай адамдар кеден органдарынан шығарылады», - деді ол.