Кедендік одаққа қатысушы елдердің мемлекеттік сатып алуының басым бөлігі электрондық пішімде өтеді
![None None](/static/img/plug.webp)
Электрондық пішімде мемлекеттік сатылымдарды жүзеге асыру кеңістігін www.goszakup.gov.kz веб-порталы қамтамасыз етеді. «Электрондық коммерция орталығы» ЖШС мамандарының соңғы мәліметтері бойынша, 92 мың портал қызметін пайдаланушы тіркелген. Соңғы айда веб-порталға кіріп, қызығушылық танытқандардың саны 1,9 млн. адамды құраған. Олардың басым көпшілігі - қазақстандықтар.
Сонымен қатар электрондық мемлекеттік сатып алу порталына Кедендік одаққа мүше мемлекеттердің кәсіпкерлері де үлкен қызығушылық танытуда. Ағымдағы жылдың наурыз айында тіркелген көрсеткішке сәйкес, веб-портал қызметін 53 мың орыс және 5,8 мың украин кәсіпкерлері пайдаланған. Сондай-ақ Қытай, АҚШ, Германия, Молдова және Әзербайжан елдері де қызығушылық білдірген.
Орталық мамандарының айтуынша, шет елдік жабдықтаушылар аталмыш порталды жергілікті тұтыну нарығын зерттеу мен оған мониторинг жүргізу үшін пайдаланады.