Кедендік одаққа мүше елдерден салық төлемей тауар тасымалдағандарды анықтау жұмыстары жүргізілуде

АЛМАТЫ. ҚазАқпарат - Алматы қаласы бойынша Салық департаменті ҚР Авиациялық прокуратурасымен бірелесе отырып, Кедендік одаққа мүше елдерден тауар тасыған, бірақ салық төлемеген тұлғаларды анықтау жұмыстарын жүргізуде, деп хабарлайды аталмыш ведомствоның баспасөз қызметінен.

Осы жұмыстардың нәтижесінде үстіміздегі жылдың басынан бері күні бүгінге дейін 16 салық төлеуші анықталып, бюджетке 15,4 млн. теңге төленді. Оған қоса, аталған салық төлеушілер 1,1 млн. теңгеге әкімшілік жауапқа тартылды. Салық заңнамасына сәйкес, Кедендік одаққа мүше елдерден тауар тасымалдайтындар міндетті түрде салық есептемесін тапсырып, тауар әкелген айдан кейінгі айдың 20-жұлдызына дейін салық төлеулері тиіс. Қазір осы бағытта жұмыстар жүргізілуде.