Кеденшілер ерлі-зайыптылардан үшінші Рейх наградаларын тәркіледі (ФОТО)
АСТАНА. ҚазАқпарат - Ресейдің Таганрог кеденінің "Куйбышево" өткізу бекетінде Украинаның Донецк облысында тұратын ерлі-зайыптылардан Пруссия қарулы күштерінің және Үшінші Рейхтің әскери наградалары мен айырым белгілері тәркіленді, деп хабарлады Оңтүстік кеден басқармасының баспасөз қызметінің жетекшісі Раян Фарукшин.
Кеденшілер наградаларды әйелдің сөмкесінен тапты. Декларацияда ол бұл жүгін көрсетпеген. Барлық медальдар мен белгілер тәркіленіп, Дондағы Ростов қаласына мәдени-тарихи құндылығын анықтау үшін жіберілді.
