KEGOC Конституция күні қарсаңында Астананың электрмен жабдықталу сенімділігін жақсартты
АСТАНА. Тамыздың 28-і. ҚазАқпарат - KEGOC Конституция күні қарсаңында Астананың электрмен жабдықталу сенімділігін жақсартты. Бұл ақпаратты аталған компанияның баспасөз қызметі таратып отыр.
«KEGOC» Электр желілерін басқару жөніндегі Қазақстан компаниясы» АҚ-ы ел басшылығының Астана қаласының трансформаторлық қуатын жаңарту жөніндегі тапсырмасын уақытынан бұрын орындады. Қазақстан Республикасының Конституциясы күні қарсаңында қалалық орталық төмендету стансысына жүргізілген сынақ сәтті өтіп, АТ-250 МВа автотрансформаторы іске қосылды және АТ-125 МВа трансформаторы ауыстырылды.
Құрал-жабдықтардың алмастырылуы нәтижесінде 500 кВт қалалық орталық төмендету стансысының электрлық жүктемелік қуаты 250-ден 375 МВа-ға дейін артты. Бұл алдағы күзгі және қысқы маусымда елорданың сенімді энергиямен жабдықталуын қамтамасыз етеді.
KEGOC АҚ-ына сәйкес тапсырма ағымдағы жылы сәуірдің 2-інде ҚР Президенті Н.Назарбаевтың төрағалығымен өткен Астана қаласының алдағы дамуы жөніндегі сәулет-құрылыс кеңесі барысында берілген болатын.
Трансформатор қуатын жаңарту ҚР Үкіметінің және «Самұрық-Қазына» ӘАҚ» АҚ-ның тікелей қолдауымен жүзеге асырылды.
