Кельнде соғыстан қалған бомбаның кесірінен 6 мың адам эвакуацияланды
НҰР-СҰЛТАН. ҚазАқпарат – Немістің Кельн қаласында сенбі күні Екінші дүниежүзілік соғыстан қалған бомбаны зиянсыздандыру үшін 6 мың адамды эвакуациялауға тура келді. Бұл туралы қалалық билік хабарлады.
«22 қарашада табылған Екінші дүниежүзілік соғыс кезіндегі бомбаны зиянсыздандыру сенбі, 23 қарашаға ауыстырылды. Қаланың 6500 тұрғынын эвакуациялау шамамен сағат сегізде басталады»,-делінген ескертуде.
Бұған оның вокзалға жақын маңда табылуы, тап сол уақытта қауіпті жүк тиелген отыздан астам Deutsche Bahn вагонының тұрғаны себеп болған.
