Келес ауданының әр отбасы 10 түп көшет отырғызбақ
КЕЛЕС. ҚазАқпарат - Келес ауданының тұрғындары көгалдандыру жұмыстарына атсалысуда. Келестіктер аудан орталығы Абай ауылында «Гүлдене бер, туған ел!» атты акциясын бастады. Мұнда бір күнде бір мыңға жуық көшет егілді, деп хабарлайды Түркістан облысы әкімінің баспасөз қызметі.
Оған қоса, ауыл әкімдігі санитарлық тазалықты сақтауда тұрақты түрде сенбіліктер өткізуде.
Әкімдіктің жоспарын ауыл билері де қолдады. Ақсақалдар әр отбасы 1 сәуірге дейін 10 түп көшет отырғызуды жеткізуде. Қариялар тазалыққа немқұрайлы қарайтын аулалардың суретін көпшілікке көрсетіп, мәселені шешу жолдарын қарастыруға уағдаласты.
Көгалдандыру жұмыстарына жұмылдырылған тұрғындар үй іргелерін тазалап, ағаштар отырғызу жұмыстарын жүргізуде. Шара барысында жергілікті халық ауыл іргесіндегі мазараттың айналасына шырша ағашын отырғызды.
