Келесі жылы тұтас Қызылорда облысы газбен қамтылады - Көшербаев
АСТАНА. ҚазАқпарат - Қызылорда облысының әкімі Қырымбек Көшербаев өңірді газбен қамту бойынша жүргізіліп жатқан жұмыстар жөнінде баяндады, деп хабарлайды ҚазАқпарат тілшісі.
Оның айтуынша, әзірге өңір халқының 63 пайызы табиғи газбен қамтылған.
"Енді газбен қамтылмаған үш аудан қалды - Қармақшы, Сырдария, Жалағаш аудандарына келесі жылы газ жеткізіледі", - деді Қ. Көшербаев ҚР Үкіметінде өткен баспасөз мәслихатында.
Өңір басшысының айтуынша, аталған жұмыстар ҚР Энергетика министрлігімен және "ҚазМұнайГаз" ұлттық компаниясымен бірлесіп жүргізілуде.
Сондай-ақ, Қырымбек Көшербаев Қызылорда облысының орталықтандырылған ауыз сумен қамту бойынша ең үздік көрсеткіштерге ие екендігін атап өтті.
"Халықтың 95 пайызы орталықтандырылған сумен жабдықталған", - деп өз сөзін толықтырды әкім.
