Кениядағы президенттік сайлауда Ухуру Кениата жеңіске жетті

АСТАНА. 9 наурыз. ҚазАқпарат - Кенияның вице-премьері Ухуру Кениата президенттік сайлауда 50,03 пайыз дауыс алып, жеңіске жетті. Бұл туралы бүгін мәліметтерді алдын ала өңдеу қорытындылары бойынша елдің сайлау комиссиясынан мәлімдеді, деп жазады ИТАР-ТАСС.

Осылайша, Халықаралық қылмыстық сотымен адамгершілікке қарсы қылмыстарда айыпталып отырған 51 жастағы Кениата 6,17 млн. дауысқа ие болды.

Ресми қорытындыларды ОСК жергілікті уақыт бойынша сағат 11:00-де хабарлайды (Астана уақытымен - 14:00 - авт.), бірақ заң бойынша оның дүйсенбіге дейін уақыты бар.

4 наурыз күні Кенияда президенттік сайлау болды. Барлығы 32 мың сайлау учаскесінде дауыс құқығына ие 14,3 млн. адам тіркелді. Бірінші кезеңде жеңіске жету үшін жалпы алғанда 50 пайыздан астам және 47 провинцияның жартысынан көбінде 25 пайыздан кем емес дауыс алу керек болды.