Кеннедиді өлтірген адамның жүзігі 118 мың долларға сатылды
АСТАНА. 25 қазан. ҚазАқпарат - Американдық президент Джон Кеннедиді өлтірді деген күдікті Ли Харви Освальдтың әйеліне сыйлаған жүзігі 118 мың долларға сатылды.
Оны Техастық коллекция жиюшы алды.
RR Auction бәссауда үйінің вице-президенті Бобби Ливингстон, «жүзіктің КСРО-да жасалғанына күмән жоқ. Онда жұлдыз бейнесінде ресми мемлекеттік таңбасы бар»,-деген пікір білдірді.
Лингвингстон алтын жүзіктің Минскінің зергерлік дүкендерінен сатып алынғанын айтты.
