Кеніштегі апат: Ойықтың табанын зерделеу үшін маркшейдер мен құтқарушылар төмен түспек
«Майкайыңалтын» АҚ аумағында іздеу-құтқару жұмыстары жалғасуда. Кеніш аумағындағы ойыққа түсіп кеткен автобусқа жету үшін құтқарушылар мен ауыр техникалар күні-түні жұмыс істеп жатыр,-деп хабарлайды Kazinform.
Бүгінге дейін ойықтан 70 мың текше метрден астам топырақ пен тау жыныстары шығарылған. Автобус жатыр деп шамаланған жерге жету үшін ауыр техниканың көмегімен өтпе жолды тереңдету жұмыстары жалғасуда.
«Іздеу жұмыстарына барлығы 142 адам, 49 техника, 3 кинологиялық есеп және 2 ұшқышсыз ұшу аппараты (дрон) БПЛА жұмылдырылды. Бүгін топырақтың қозғалысын және шұңқырдың түбін өзгерту үшін ТЖД құтқарушыларын маркшейдер маманмен бірге ойыққа түсіру жоспарланған», - делінген өңірлік ТЖД таратқан хабарламада.
