Кентау қаласының әкімі ауыл тұрғындарының ұсыныс, пікілерін тыңдады

Осыдан бір жыл бұрын Түркістан қаласына қараған 12 ауылдық округ, ҚР Тұңғыш Президентінің жарлығымен аталмыш ауылдар Кентау қаласына берілген болатын. Содан бері, қалаға қарасты 4 ауылдың саны артып, 16-ға жетті. Әр ауылдың әлеуметін назардан тыс қалдырмайтын қала әкімі Дәурен Мақажанов ауылдағы бірқатар кемшіліктерді назарға алып, оның шешу жолдарын қысқа мерзімде қарастыруды тапсырды.

Бұл тапсырмалар ауыл әкімі мен сала басшыларына жүктелді. Мұнан соң әкім ауыл тұрғындарымен кездесіп, олар тарапынан айтылған уәждер мен ұсыныс, пікілерін тыңдады. Жергілікті халық қала басшысына жол, жарық, көпірлерді қайта ретке келтіру мен ауылдағы дәрігерлік амбулаторияның жұмыс штатын көбейту секілді арыз, өтініштерін айтты. «Әрбір тұрғынның айтқан мәселелері бақылауға алынып, заң аясында шешілу жұмыстары атқарылады. Қазір ауылдың әлеуметтік-экономикалық жағдайын арттыру мақсатында 3 жылдық даму жоспары жасалып жатыр. Соның аясында ауылда бірқатар жұмыстар атқарылатын болады. Жалпы ауылдың әлеуетін көтеру барысында ауыл тұрғындары да үлестерін қосу қажет», - деді Дәурен Мақажанов.