Кентауда жылу беру маусымы аяқталды

ТҮРКІСТАН. KAZINFORM — Бүгіннен бастап қалаға жылу беру тоқтатылды.

Биыл Кентауда орналасқан № 5 Жылу энерго орталығындағы алты қазандыққа қайта құру жұмыстары жүргізілді. Бұдан бөлек, тағы 2 қазандық ағымдағы жөндеуден өтті. 6,6 шақырым магистралды жылу құбыры жаңартылды. 1 турбина мен өзге де құрал-жабдықтарға ағымдағы жөндеу жұмыстары жүргізілді. 

— Биылғы жылғы 3 сәуірден 4 сәуірге қараған түні қалаға жылу беру тоқтатылды. Баршаңызды жылу беру маусымының сәтті аяқталуымен құттықтаймын. Түсіністік пен қолдау көрсеткендеріңіз үшін алғыс білдіремін, — делінген «Кентау Сервис» КММ директоры Саяхат Ыбышевтің әлеуметтік желідегі жазбасында.

Айта кетейік, бұдан бұрын құрылғанына 90 жыл толған Кентау жылу орталығының 85 пайызға тозғандығын жазған болатынбыз.