Керімбаева Мысырда ITF сериясы турнирінің жұптық сынында финалға шықты
АСТАНА. ҚазАқпарат - Қазақстандық теннисші Камила Керімбаева ресейлік Аминат Кушковамен жұптасып, Шарм-Эль-Шейхтегі (Мысыр) ITF сериясы турнирінің жұптық сынының финалына шықты. Бұл доданың жүлде қоры 10 мың доллар.
Бұл туралы sports.kz. хабарлады.
Жартылай финалда Керімбаева/Кушкова жұбы жарыстың үшінші жұбы Елена-Теодора Кадар (Румыния) мен Келли Верстегті (Голландия) 6:1, 6:4 есебімен жеңіп ұтты. Финалда қазақстандық-ресейлік жұпқа қарсылас ретінде турнирдің екінші жұбы - Диана Боголи (Украина)/Полина Лейкина (Ресей) шығады.
