Кэти Перри «Твиттеріне» 100 млн. жазылушы тіркелген әлемдегі алғашқы адам атанды
АСТАНА. ҚазАқпарат - Америкалық әнші Кэти Перри "Твиттеріне" 100 млн-нан астам адам жазылған әлемдегі алғашқы әлеуметтік желі қолданушысы атанды, деп жазады Би-би-си.
Әртістің "Твиттердегі" парақшасында осыған байланысты микроблогтар сайты әкімшілігі атынан пост жарияланды.
"Бүгін біз үлкен тарихтың куәсіміз", - делінген онда және әнші бірінші болып 100 млн. фолловер жинағаны айтылады.
Twitter өз құттықтауында Кэти Перридің маусымда шыққан жаңа альбомының атауы - "Куәгер" ("Witness") сөзін пайдаланды.
Жазылушылар саны бойынша екінші орында канадалық әнші Джастин Бибер тұр. Оны "Твиттерде" 98 млн адам оқиды.
