КХДР Жапон теңізіне қарай шағын қашықтықтағы 18 зымыран ұшырды

АСТАНА. ҚазАқпарат - Солтүстік Корея Жапон теңізіне қарай шағын қашықтықтағы 18 зымыран ұшырды. Бұл туралы оңтүстіккореялық шенеуніктер хабарлады. Бұдан бұрын 10 зымыранның ұшырылғаны хабарланған болатын, деп хабарлады Утро.ру.

КХДР соңғы аптада осындай бірнеше ұшырулар жасады, бұл аймақта өтіп жатқан АҚШ пен Оңтүстік Кореяның бірлескен жаттығуларына тұспа-тұс келді. Оңтүстіккореялық қорғаныс министрлігі басшысының айтуынша, КХДР жағалауларынан ұшырылған зымырандардың үлгісі белгісіз.