ҚХЛ: 2012 жылдағы бірінші ойынында «Барыс» сырт айдында «Металлург» командасын ұтты

АСТАНА. 6 қаңтар. ҚазАқпарат - Құрлықтық хоккей лигасы аясында 2012 жылдағы  бірінші ойынында «Барыс» сырт айдында «Металлург» командасын 2:1 есебімен ұтты.

Атап айтқанда, бұл тартысты доданың бірінші кезеңінің 14 минутында  астаналық хоккейшілер бірінші болып шайба салды.

 Ал келесі кезеңде, яғни 27 минутта «Барыс»  есепті еселей түсті. Алайда, бұл кезеңнің аяғына қарай айдын иелері есеп ашу мүмкіндігін жүзеге асырды. Осы кездесудің үшінші кезеңінде қонақтар салған 2 ұпайларын сақтап қалуға тырысып бақты. Ойын 2:1 есебімен елордалықтардың жеңісімен аяқталды.

ҚХЛ чемпионатының турнирлік кестесінде «Барыс» 59 ұпаймен «Шығыс» конференциясында жетінші орында тұр. Ал «Металлург» командасы 66 ұпайымен екінші орынға тұрақтады.