Си Цзиньпин Қазақстанға мемлекеттік сапармен келеді

АСТАНА. KAZINFORM - ҚХР Төрағасы Си Цзиньпин Қазақстанға мемлекеттік сапармен келеді. Бұл туралы Ақорданың баспасө қызметі мәлім етті. 

«Биылғы 2-4 шілде күндері Президент Қасым-Жомарт Тоқаевтың шақыруымен Қытай Халық Республикасының Төрағасы Си Цзиньпин Қазақстанға мемлекеттік сапармен келеді. Сондай-ақ Шанхай ынтымақтастық ұйымына мүше мемлекеттер басшылары кеңесінің 24-ші отырысына қатысады», — делінген хабарламада.