Киевтегі тәртіпсіздіктерден кейін 250-ден астам сақшы медициналық көмекке жүгінді
АСТАНА. 23 қаңтар. ҚазАқпарат - Киевтің Грушевский көшесіндегі тәртіпсіздіктерден кейін құқық қорғау органдарының 254 қызметкері медициналық көмекке жүгінді, деп хабарлады Украина ІІМ баспасөз қызметінен.
«Грушевский көшесіндегі оқиғалардан кейін 254 құқық қорғаушы медициналық көмекке жүгінді, оның 104-і ауруханаға жатқызылды. Зардап шегушілерге бас сүйек-миының зақымдануы, сүйек сынуы, күйіп қалу, пышақ жарақаты, белгісіз заттан улану диагноздары қойылды», - делінген хабарламада.
