Килиан Мбаппе «Реалда» қай нөмірмен ойнайды

АСТАНА. KAZINFORM – Мадридтің «Реал» командасының басшылығы бірқатар ойыншының жейдесіндегі сандардың өзгергенін хабарлады.

«Реалдың» жұлдызды жаңа ойыншысы Килиан Мбаппе 9 нөмірді иеленетін болды.

Сондай-ақ, бұған дейін 12 нөмірмен алаңға шығып келген Эдуард Камавинга енді 6 нөмірлі жейдені киеді.

Федерико Вальверде 8-ші, ал Аурельен Чуамени 14-ші нөмірді алды. 

Арда Гүлер 15-ші, Хесус Вальехо 18-ші нөмірмен команда намысын қорғайды.

Естеріңізге салсақ, бұған дейін Килиан Мбаппенің Мадридтің «Реал» клубына ауысқанын жазған едік.