Қимыл-қозғалыстың аз болуы семіздіктен де қауіпті

АСТАНА. ҚазАқпарат - Қимыл-қозғалыстың аз болуы обыр және қан-тамыр аурулары сияқты дерттерге шалдығу қаупін жоғарылатады. Адамның аз қозғалуы семіздікке қарағанда адам өлімін екі есе тезірек жақындатады, деп хабарлады Science World Report.

Кембридж университетінің мамандары іс-қимыл белсенділігі мен мезгілсіз қаза оқиғаларын зерттеген. Зерттеушілер Еуропадағы 334161 ер мен әйелдің деректерін сарапқа салды.

Сараптама көрсеткендей, қарапайым жаттығуларды күнделікті жасау өмір ұзақтығын арттыруы мүмкін.