Қырғызстан президенті Цифрлық даму министрлігін таратып жіберді
БІШКЕК. KAZINFORM – Қырғызстан басшысы Цифрлық даму және инновациялық технологиялар министрлігін тарату және оның кейбір функцияларын Президент Іс басқару басқармасына беру туралы шешіміне түсініктеме беріп, министрлік жұмыс істеп тұрған кезде шамадан тыс бюрократия мен жауапкершілігін басқаға арту оның жұмысының тиімді дамуына кедергі келтіргенін атап өтті.
- Цифрлық даму министрлігі шамамен бес жыл бойы тәуелсіз ведомство ретінде жұмыс істеді. Алайда өзіне жүктелген міндеттерді орындамағандықтан, оның кейбір мекемелерін Президент Іс басқармасына беру туралы шешім қабылданды. Қысқа мерзім ішінде жұмыс айтарлықтай белсене түсті, - деп атап өтті ол.
Қырғыз басшысының айтуынша, соңғы бес жылда Қырғызстанда жарияланған әрбір реформа елеулі қарсылыққа тап болып отыр.
- Бұрынғы шенеуніктердің, қазіргі жоғары лауазымды тұлғалардың болсын жеке мүдделері үнемі туындап келеді. Салада нақты реформалар басталса, бірден жанжал науқаны басталады: блогерлер мен тілшілер жұмысқа алынып, әлеуметтік желілерде қақтығыс туындайды, - деді Қырғызстан президенті.
Садыр Жапаров маңызды реформалар кезеңінде қырғыз азаматтарын нәтижелерге қарап, ақпараттық шуға сенбеуге шақырды.
Осыған дейін Қырғызстанда білім беру саласы қызметкерлерін марапаттау жүйесі жаңартылғанын жаздық.
