Қырғызстанда «Ислам мемлекеті» халықаралық лаңкестік ұйымының мүшелері ұсталды

Қырғызстанның арнайы жасағы
Фото: Кабар

БІШКЕК. KAZINFORM – Мүшелері «Ислам мемлекеті» халықаралық лаңкестік ұйымының (Қазақстанда тыйым салынған - ред.) идеологиясын белсенді түрде насихаттайтын астыртын радикалды топ іс-әрекетінің жолы кесілді, деп хабарлайды Қырғыз Республикасы Ұлттық қауіпсіздік мемлекеттік комитеті. Бұл туралы Кабар ақпарат агенттігі жазды. 

Комитеттің мәліметінше, Бішкек пен елдің басқа аймақтарында барлығы 15 адам ұсталған. Олардың тұрғылықты жерлерінде тінту жүргізіліп, көп мөлшерде діни әдебиет тәркіленіп, тиісті сараптамалар тағайындалды.

Топ жетекшілерінің бірін әлеуметтік желіде «ИМ» халықаралық лаңкестік ұйымының (Қазақстанда тыйым салынған - ред.) Ауғанстаннан келген мүшесі қашықтан жұмысқа алды. Өз соның нұсқауларын орындап, басқа жақтастарын тартуға кіріскен.

Алдын ала мәлімет бойынша, таратылған фото және бейнематериалдарда «террорлық әрекеттерге жария шақыру», «ұлттық, нәсілдік, этникалық, діни және өңіраралық араздықты (алауыздықты) қоздыру» және «халифат» орнату арқылы конституциялық құрылысты құлату» белгілері бар.

Сонымен қатар, атыс қаруын және суық қаруды қолдану, сондай-ақ қолдан жасалған жарылғыш құрылғыларды жасау бойынша оқу-әдістемелік бейнероликтер таратылды.

Осылайша, ұсталған 4 адам Бішкектегі №1 тергеу абақтысына қамалды, осы топтың басқа да мүшелері мен сыбайластарын анықтау бойынша кешенді тергеу-жедел шаралары жалғасуда.

Соңғы жаңалықтар