Қырғызстанда электромобильдер саны күрт артты

АСТАНА.KAZINFORM - 2025 жылдың соңына қарай Қырғызстан аумағында 15 278 электромобиль тіркелген. Бұл елдегі барлық автокөліктің 0,8 пайызына тең. Мәліметті Қырғыз Республикасынын Жаратылыш ресурстары министрлігі жариялады.

Қырғызстанның Кабар агенттігінің министрлік мәліметтреіне сілтеме жасап хабарлауынша, соңғы жылдары электромобильдер саны тұрақты өсім көрсетіп келеді.

Салыстырмалы көрсеткіштер:

• 2022 жылы — 1113 электромобиль;
• 2023 жылы — 2310;
• 2024 жылы — 3122.

Тек 2025 жылдың өзінде олардың саны 9 870-ке артқан. Бұл экологиялық таза көлікке сұраныстың айтарлықтай күшейгенін көрсетеді.

Осыған дейін Қырғызстанда алғаш рет аспалы жол ашылғаны туралы жаздық.