Қырғызстанда ҰҚМК-ның жаңа төрағасы тағайындалды
АСТАНА. KAZINFORM — Қырғызстанның Мемлекеттік ұлттық қауіпсіздік комитетінің төрағасы қызметіне Максат Асаналиев тағайындалды, деп хабарлайды Kazinform агенттігінің Бішкектегі меншікті тілшісі.
Тиісті Жарлыққа Қырғыз Республикасының Президенті Садыр Жапаров қол қойды.
Бір күн бұрын Жогорку Кенеш депутаттары Максат Асаналиевті Бас прокурор қызметінен босатып, оны Қырғыз Республикасының Мемлекеттік ұлттық қауіпсіздік комитетінің төрағасы қызметіне тағайындауға келісім берді.
Бұған дейін арнайы қызметке Жумгалбек Шабданбеков басшылық еткен. Ол бұл қызметке Камчыбек Ташиев отставкаға кеткеннен кейін 2026 жылғы ақпанда тағайындалған болатын.
Еске сала кетейік, 10 ақпанда Қамшыбек Ташиев Премьер-министрдің орынбасары және ҰҚК төрағасы қызметінен босатылды. Ұлттық қауіпсіздік мемлекеттік комитетінің басшысы ауыстырылғаннан кейін төрағаның үш орынбасары қызметінен босатылды.
Кейінірек Қырғызстан президенті кадрлық шешімдерді түсіндірді. Сондай-ақ, ол Ұлттық қауіпсіздік мемлекеттік комитетінің бұрынғы басшысымен арадағы келіспеушілікке қатысты пікір білдірді.
Бұған дейін Қырғызстанда бұрынғы ҰҚК төрағасы Қамшыбек Ташиевтің соты аяқталғанын жазғанбыз.
