Қырғызстандағы сайлау: ОСК соңғы сайлау округі бойынша қорытындыны қайта қарады

БІШКЕК. KAZINFORM – Қырғызстан Республикасының Сайлау және референдумдар өткізу жөніндегі орталық комиссиясы 13 ақпандағы отырысында №13 көп мандатты сайлау округі бойынша Жогорку Кенеш депутаттарын мерзімінен бұрын сайлаудың қорытындысын жарамсыз деп таныды, деп хабарлайды Kazinform меншікті тілшісі. 

Комиссияның мәліметінше, шешімді қайта қарауға Қырғызстан Республикасы Ішкі істер министрлігінің қылмыстық істі тергеуі кезінде жаңадан анықталған мән-жайлар негіз болды. 

Атап өтілгендей, кандидат Бақыт Сыдықов жақтастарының бірнеше сайлау учаскелеріне мобильді бейнебақылау құрылғыларын орнатуына байланысты сайлау заңнамасын бұзудың жеке фактілері анықталған. Құқықбұзушылықтар жеке сипатқа ие болды. Сыдықовтың дауыс беру қорытындылары жарамсыз деп танылды. №13 көп мандатты сайлау округі бойынша Қырғызстан Республикасы Жогорку Кенешіне Айбек Алтынбеков, Талант Мамытов және Айгүл Қарабекова сайланды.

Еске сала кетсек, Қырғызстанда бір сайлау округіндегі парламент депутаттарының сайлауы жарамсыз деп танылды.

Кейін Қырғызстан Республикасының Сайлау және референдумдар жөніндегі орталық комиссиясы №13 көп мандатты сайлау округіндегі Жогорку Кенеш (Парламент) депутаттарының қайта сайлау күнін белгіледі. 

Ал 9 ақпанда Қырғызстанда соңғы сайлау округінде депутаттарды сайлау бойынша үгіт-насихат жұмыстары басталды.