Кіші Алматы өзені жоғалып кетуі ықтимал - Қоршаған ортаны қорғау министрі
АСТАНА. 11 маусым. ҚазАқпарат - Келешекте Кіші Алматы өзені жоғалып кетуі мүмкін. Бүгін Мәжілісте еліміздің экоологиялық мәселелеріне арналған Үкімет сағатында Қоршаған ортаны қорғау министрі Нұрлан Қаппаров осылай мәлім етті
Министрдің мәліметіне қарағанда, халықаралық бағалаулар бойынша жаһандық температура индустрияландыруға дейінгі кезеңмен салыстырғанда 2 градустан астам көтерілген. «Бұл Жер шарында алапат өзгерістерге алып келуде. Ал Қазақстанға келер болсақ, климаттың жылынуы жер шарындағы орташа көрсеткішпен салыстырғанда жылдам қарқында жүруде», - дейді министр. Оның айтуынша, Тянь-Шань тауларындағы мұздықтар көлемі ХХ ғасырдың аяғына қарай 25 - 35 пайызға қысқарған. «Аталған жылыну үдерісі сақтала берсе 2050 жылға қарай алып мұздықтардың басым бөлігі іс жүзінде еруі әбден мүмкін. Бұның салдарынан Шу және Талас өзендерінің ағысы 2 есеге азаяды. Ал Кіші Алматы өзені мүлдем жоғалып кетуі мүмкін. Бұндай жағдай ауыл шаруашылығын, өнеркәсіпті және халықты сапалы сумен қамтамасыз етуге зор қауіп-қатер тудыруы да ықтимал», - деді Нұрлан Қаппаров.
