Кіші Алматының өзені бойындағы қар көшкіні Шымбұлақ-Тұйықсу қақпасы автожолын бөгеп тастады - ТЖМ

АСТАНА. Желтоқсанның 25-і. ҚазАқпарат - Алматы облысы Кіші Алматы өзені  бойында өткен қар көшкіні Шымбұлақ-Тұйықсу қақпасы автожолын бөгеп тастады,

деп хабарлайды ҚазАқпарат.

Төтенше жағдайлар министрлігінің ақпаратына сәйкес, желтоқсанның 23-і күні Кіші Алматы өзені бойына 13 980 текшеметр көлеммен өздігінен 11 қар көшкіні түсіп, ол «Эдельвейс» туристік базасының аумағындағы Шымбұлақ-Тұйықсу қақпасы автожолын бөгеп тастаған.

Желтоқсанның 24-і күні автожолды қардан тазарту жұмыстары жүргізіліп, «Шымбұлақ» тау-шаңғы кешені аумағында қар көшкінін профилактикалық түсіру жүргізілді. 500 текшеметр көлемдегі қар тау беткейіне тоқтады, қазір онда еш қауіп жоқ.