Қысқы Азия ойындары: Кёрлингтен ел намысын кімдер қорғайды

АСТАНА. KAZINFORM — Қытай Халық Республикасының Харбин қаласында өтетін ІХ қысқы Азия ойындарының басталуына да санаулы күндер қалды. Бүгін аталған додада кёрлингтен ел намысын қорғайтын Қазақстан құрамасы анықталды.

Аталған сын бойынша Қазақстан құрамасы ерлер және әйелдер арасында, сондай-ақ аралас жұпта медаль үшін сынға түспек.

Әйелдер:

Ангелина Эбауер

Тилсимай Аллиярова

Екатерина Колыхалова

Мерей Тастемір

Регина Эбауер

Ерлер:

Абылайхан Жүзбай

Айдос Аллияр

Адиль Жумагожа

Ермек Мусаинов

Арман Иржанов

Аралас жұп:

Азизбек Надирбаев

Амина Какимжанова .

Айта кетейік, ІХ қысқы Азия ойындары 2025 жылғы 7-14 ақпан күндері Қытайдың Харбин қаласында өтеді.

Атап айтқанда, Харбинде коньки спорты түрлері, шайбалы хоккей мен кёрлинг, ал Ябулиде шаңғы спорты, биатлон, шаңғы альпинизмі жарыстары жоспарланған. Ашылу салтанаты 7 ақпанда, жабылу салтанаты 14 ақпанда Харбин қаласындағы Harbin International Convention and Exhibition Center Stadium спорт кешенінде өтеді.

Кешенді жарысқа құрлықтағы 32 елден 1147 спортшы қатысады. Олар спорттың 6 түрінен (11 дисциплина – биатлон, тау шаңғысы, кёрлинг, конькимен жүгіру, шорт-трек, мәнерлеп сырғанау, шаңғы жарысы, сноуборд, фристайл-акробатика, шайбалы хоккей, ски-альпинизм) 196 медаль жиынтығының иесін анықтайды.

Ел құрамасынан Харбиндегі жарысқа спорттың 6 түрінен 139 спортшы (71 ер, 68 әйел) барады. Олар 50 медаль жиынтығына таласады.

1. Биатлон – 10 спортшы;

2. Кёрлинг – 12 спортшы;

3. Конькимен жүгіру спорты – 20 спортшы;

4. Мәнерлеп сырғанау – 4 спортшы;

5. Шорт-трек – 12 спортшы;

6. Шаңғы жарысы – 12 спортшы;

7. Шайбалы хоккей (ерлер) – 23 спортшы;

8. Шайбалы хоккей (әйелдер) – 23 спортшы;

9. Тау шаңғы спорты – 8 спортшы;

10. Фристайл-акробатика – 7 спортшы;

11. Шаңғы жарысы – 8 спортшы.

Естеріңізге сала кетейік, осыған дейін Қысқы универсиадаға қатысатын Қазақстан құрамасы анықталғанын жазған болатынбыз.